ગુજરાતી મિજાજ

આપણો મિજાજ, ગુજરાતી મિજાજ

Story

પર્વ ફ્યુઝન બેન્ડના કલાકારો ગુજરાત સાહિત્ય અકાદમીના અધ્યક્ષ શ્રી ભાગ્યેશ જ્હા ને મળ્યા

ગીતાને કેન્દ્રમાં રાખી સત્કર્મ માટે ગુજરાતની યાત્રાએ નીકળેલા ફ્યુઝન બેન્ડના કલાકારો

ગિવ વાચા ફાઉન્ડેશન, કૃપ મ્યુઝિક અને ઈઝીઆઈડીએ ત્રીસ દિવસીય ક્લબફૂટ અવેરનેસ મંથ પ્રોજેક્ટ થકી ગુજરાતનાં વિવિધ શહેરોમાં લોકજાગૃતિ માટેની પહેલ કરી છે. ત્યારે વર્લ્ડ ક્લબફૂટ ડે નિમિત્તે પ્રતિનિધિ તરીકે પર્વ ફ્યુઝન બેન્ડના કલાકારો ગુજરાત સાહિત્ય અકાદમીના અધ્યક્ષ શ્રી ભાગ્યેશ જ્હા ને મળ્યા હતા.

આ પ્રોજેક્ટનો વૈશ્વિક એમ્બેડર પર્વ ઠક્કર ક્લબફૂટ નામની બીમારી સાથે જન્મ્યો. સમયસર સારવા૨થી સ્વસ્થ થઇ ક્લબફૂટ વોરિયર બન્યો છે. એટલું જ નહિ છ વર્ષની વયે તેના ૩૦થી વધુ ગીતો વિશ્વભરમાં લોન્ચ થયા છે. વાચા ઠક્કર સાથે પર્વ ગીતાનાં શ્લોકો સંગીતબદ્ધ રીતે ગાય છે અને લોકો પસંદ કરી રહ્યા છે. તેનો પરિવાર પોતાના બેન્ડ સાથે ગુંજ ગીતા શો કરે છે. પ્રોજેક્ટ હેડ ડૉ. કૃપેશ ઠક્કર અને ડૉ. પૂજા ઠક્કર અસરગસ્ત બાળકોના વાલીઓને માર્ગદર્શન આપી આ બીમારી અંગેની ગેરમાન્યતાઓને દૂર કરવામાં યોગદાન આપે છે. ગીતાને કેન્દ્રમાં રાખી સત્કર્મ કરવા આ બેન્ડના કલાકારો ગુજરાત યાત્રા માટે નીકળ્યા છે. ડૉ કૃપેશ એ કહ્યું કે, કલબફૂટની પાંચ વર્ષ સુધી ચાલતી સારવારમાં બાળકને પીડામાંથી રાહત આપવા મ્યુઝિક થેરાપી રામબાણ ઈલાજ સાબિત થઈ શકે છે. જે બાળકના સર્વાંગી વિકાસમાં પણ મદદ કરે છે, જેનું પર્વ જીવંત ઉદાહરણ છે.