અંજાર-કચ્છના ડૉ. કૃપેશ ઠક્કર અને બાળ કલાકારો વાચા ઠક્કર અને પર્વ ઠક્કર એ માતૃભૂમિ માટે કુરબાન થયેલા શહીદ ભગતસિંહ, રાજગુરુ અને સુખદેવ ને સ્વરાંજલી આપતા ‘હૈ નમન, શહીદો કો સલામ’ ગીતનું નિર્માણ કર્યું. જે ગિવ વાચા ફાઉન્ડેશનના હેરિટેજ પર્વ અંતર્ગત કૃપ મ્યુઝિક દ્વારા વૈશ્વિક સ્તરે લોન્ચ થયું.

શહીદોને શ્રદ્ધાંજલિ અર્પિત કરતાં પર્વ ફ્યૂઝન બેન્ડના આ ગીતમાં ડૉ. કૃપેશના હ્રદયસ્પર્શી શબ્દો, મોર્ડન સંગીત અને દિગ્દર્શન સાથે વાચાનો મધુર અવાજ અને બંને બાળકોનો શ્રેષ્ઠ અભિનય જોવા મળે છે. આ ગીતનું ફિલ્માંકન કચ્છની ધરોહર એવા ભૂજિયા ડુંગર પર થયેલું છે. ઉપરાંત આદિપુરની તોલાણી કોલેજ ઓફ આર્ટસ એન્ડ સાયન્સના વિદ્યાર્થીઓ અને અધ્યાપકોએ પણ શ્રદ્ધાંજલિ આપી ભાગ લીધો હતો. આ ગીત માટે આ પરિવારને ગુજરાત અને ભારતની નામાંકિત સંસ્થાઓએ પુરસ્કાર અને પ્રોત્સાહન પણ આપ્યા છે. અત્રે ઉલ્લેખનીય છે કે આ ગીતને યુટ્યુબ પર પંદર લાખથી વધુ લોકો નિહાળી ચૂક્યા છે. તો વિવિધ મ્યુઝિક સ્ટ્રીમિંગ પ્લેટફોર્મ પર દસ લાખથી વધુ લોકોએ માણ્યું છે. કચ્છી કલાકારોના આ ગીતને વ્યાપક પ્રમાણમાં લોકચાહના મળતા, તેનું ગુજરાતી ગીત ‘શહીદો ને સલામ’ પણ વિશ્વસ્તરે લોન્ચ કરવામાં આવ્યું.

ગીત વિષે વાત કરતા ડૉ. કૃપેશ એ જણાવ્યું કે “આવનારી પેઢી આઝાદી માટે શહીદોએ આપેલ બલિદાન પ્રત્યે કૃતજ્ઞતા વ્યક્ત કરવાનું ના ચૂકે એ હેતુથી અમે આ ગીત વિશ્વભરમાં વસતા ભારતીયો સુધી લઈ જવા પ્રયત્ન કર્યો છે”.

પર્વ ફ્યૂઝન બેન્ડનો આ ગીત વિશ્વભરમાં બસ્સો થી પણ વધુ પ્લેટફોર્મ પર થયું લોન્ચ

ગિવ વાચા ફાઉન્ડેશન અને કૃપ મ્યુઝિક દ્વારા નવરાત્રી ઉત્સવ નિમિતે પર્વ ફ્યુઝન બેન્ડના કલાકારો પર્વ ઠક્કર, વાચા ઠક્કર અને ડૉ. કૃપેશના ‘જય આદ્યાશક્તિ’ અંબે માં આરતીનું અંજારના ગિવ વાચા સેન્ટર ખાતે આમંત્રિત કુમારીકાઓને હસ્તે લોકાર્પણ થયું.

આ આરતીને કૃપ મ્યુઝિક દ્રારા વિશ્વભરમાં બસ્સો થી પણ વધુ પ્લેટફોર્મ પર લોંચ કરવામાં આવ્યું છે. સામાન્ય રીતે ઘણાં કલાકારો દ્વારા આ આરતી ગાવામાં આવી છે પણ છ વર્ષીય અને અગિયાર વર્ષીય બાળ કલાકારોએ કંઠ આપ્યું હોય એવું પ્રથમવાર બન્યું, જે અન્ય કલાકારો માટે પ્રેરણારૂપ છે. આ કાર્યક્રમમાં બેન્ડના કલાકારો એ અન્ય બાળકો અને માતાઓ સાથે મળીને માતાની આરાધના કરતાં આરતીની રજૂઆત કરી અને ત્યાર બાદ ગરબે રમ્યા.

આ પ્રસંગે ગીતકાર અને સંગીતકાર ડો. કૃપેશ એ કહ્યું કે “નવરાત્રી પર્વના પાવન તહેવારમાં સાક્ષાત દેવી સ્વરૂપ કુમારીકાઓના આશીર્વાદથી આરતી લોન્ચ થઈ એ અમારું સૌભાગ્ય છે. અમને એ જાહેર કરતાં આનંદ થાય છે કે સનાતન ધર્મ અને સંસ્કારો માટે કલા ક્ષેત્રે સતત કાર્યરત રહેતું અમારું આ બેન્ડ કૃપ મ્યુઝિક સાથે પોતાના ૫૦ ગીતો સુધીનું સફર કરી ચૂક્યું છે. જેમાં આ બંને બાળકો એ ભક્તિ ગીતો, પારિવારિક ગીતો અને દેશભક્તિ ગીતોને સથવારે સંસ્કૃતિ અને સંસ્કારોની સેવા કરી છે અને આગળ પણ કરતાં રહેશે.” અત્રે ઉલ્લેખનીય છે કે આ કલાકારો ફક્ત સંગીત જ નહીં પરંતુ સાહિત્ય અને સમાજ સેવા ક્ષેત્રે પણ સક્રિય રહી સનાતન ધર્મ આધારિત પુસ્તકો પ્રકાશિત કરી તેમજ ગૂંજે ગીતા, પર્વ કી પાઠશાલા જેવા કાર્યક્રમો દ્વારા ધર્મના પ્રચાર-પ્રસાર માટે કાર્યરત છે.